سانتیاگو: لاطینی امریکا کے ملک چلی میں 50 برس قبل کاپتہ ہونے والے طیارے کا ملبہ مل گیا۔ 

غیر ملکی نشریاتی ادارے کی رپورٹ کے مطابق 3 اپریل 1961 کو چلی کے پہاڑی علاقے آندیس میں ڈگلس ڈی سی تھری ٹوئن پروپیلر طیارہ لاپتہ ہوگیا تھا۔ طیارے میں ملک کے بہترین کھلاڑیوں پر مشتمل فٹبال ٹیم اور 2 ریفری بھی شامل تھے۔ حادثے کے بعد امدادی ٹیموں کو طیارے کا پچھلا حصہ اور مسافروں کی کچھ باقیات ملی تھیں تاہم تمام مسافروں کی لاشیں نہیں ملی تھیں۔

واقعے کے 50 سال بعد کوہ پیماؤں کو سطح زمین سے 10 ہزار فٹ کی بلندی سے طیارے کا ملبہ اور مسافروں کی باقیات ملی ہیں، کوہ پیماؤں کا کہنا ہے کہ مورخین کو اب اس واقعے کو دوبارہ لکھنا ہوگا کیونکہ طیارے کا ملبہ جہاں سے ملا ہے وہاں کوئی امدادی رضاکار نہیں پہنچا تھا۔