اسلام آباد(نیوز ڈیسک) محکمہ موسمیات کے مطابق آج پشاور، مردان، بنوں، کوہاٹ، ڈی آئی خان، اسلام آباد، راولپنڈی، سرگودھا میں بارش کا امکان ہے جب کہ مالاکنڈ، ہزارہ ڈویڑن، گلگت بلتستان اور کشمیرمیں بھی بارش متوقع ہے۔ محکمہ موسمیات کے مطابق آئندہ 24 گھنٹوں کے دوران ملک کے بیشتر بالائی علاقوں میں مطلع جزوی طور پر ابرآلود رہے گا جب کہ ڈی جی خان، ملتان، ساہیوال، فیصل آباد اور لاہور ڈویڑن میں کل اور پرسوں بارش کا امکان ہے۔ مالاکنڈ، ہزارہ، گلگت بلتستان اور کشمیرمیں پہاڑوں پر برفباری کا بھی امکان ہے جب کہ بالائی خیبرپختونخوا کے پہاڑی علاقوں، گلگت بلتستان، آزاد کشمیر اور مری میں لینڈ سلائیڈ نگ کا بھی خدشہ ہے۔محکمہ موسمیات کا یہ بھی کہنا ہے کہ شمال مشرقی بلوچستان میں بھی کل چند مقامات پر بارش کا امکان ہے جب کہ بارش کے موجودہ سلسلوں کا اثر کراچی میں پڑنے کا کوئی امکان نہیں ہے۔