اسلام آباد (نیوز ڈیسک) ایران کا کہنا ہے کہ را افسر کے معاملے پر ناخوشگوار باتوں اور توہین ا?میز بیانات سے پاکستان اور ایران کے تعلقات خراب کرنے کی سازش کی جا رہی ہے۔تفصیلات کے مطابق پاکستان میں ایرانی سفارت خانے کی طرف سے جاری کردہ بیان میں کہا گیا ہے کہ پاک ایران برادرانہ تعلقات سے ناخوش عناصر، مختلف طریقوں سے ان بڑھتے ہوئے تعلقات کو خراب کرنے کی کوشش کر رہے ہیں، ایسے لوگ صدر حسن روحانی کے دورہ پاکستان میں حاصل ہونے والی کامیابیوں کو سبوتاڑ کرنا چاہتے ہیں۔ بیان کے مطابق، توہین آمیز باتوں کو پھیلانے سے دونوں ممالک کے ایک دوسرے سے متعلق مثبت اور مخلصانہ نقطہ نظر پر کوئی اثر نہیں پڑے گا۔