اسلام آباد (نیوز ڈیسک) پلڈاٹ کی جانب سے جاری کردہ رپورٹ کے مطابق، گڈ گورننس میں خیبر پختونخوا پنجاب کے ساتھ پہلے نمبر پر آ گیا، سندھ کا دوسرا اور بلوچستان کا تیسرا نمبر ہے۔تفصیلات کے مطابق سب سے اچھی حکومت کس صوبے میں ہے؟ پلڈاٹ کا نیا سروے جاری ہو گیا۔ بہتر حکمرانی میں پنجاب اور خیبر پختونخوا پہلے نمبر پر ہیں۔ سندھ دوسرے جبکہ بلوچستان تیسرے نمبر پر رہا۔ پلڈاٹ نے سال 15۔2014ء کے لئے معیار گورننس پر اسکور کارڈ جاری کیا۔پلڈاٹ کی جانب سے جاری کردہ رپورٹ کے مطابق، 14۔2013ء کے مقابلے میں تمام صوبوں کی گورننس میں بہتری آئی ہے۔ گزشتہ سال کی نسبت پنجاب کا اسکور 42 سے بڑھ کر 68 فیصد ہو گیا۔ خیبر پختونخوا کا اسکور 37 سے بڑھ کر 68 فیصد ہو گیا۔ سندھ میں گورننس کا اسکور 34 سے بڑھ کو 59 فیصد رہا جبکہ بلوچستان میں گورننس کا اسکور34 سے بڑھ کر 58 فیصد ہو گیا ہے۔