اسلام آباد (نیوز ڈیسک) پاکستانی بینکوں نے حج درخواستیں وصول کرنا شروع کردی ہیں ۔ وزارت مذہبی امور نے بینکوں کو حج ادا کرنے والے خواہش مندوں سے درخواستیں وصول کرنے کی ہدایت جاری کردی ہے ۔ تفصیلات کے مطابق پاکستان کے تمام کمرشل بینکوں نے حج درخواستوں کی وصول کیلئے بذریعہ میسج اور ای میل پاکستانیوں کو معلومات دینا شروع کردی ہیں ۔ پاکستانی بینک جس میں یو بی ایل ، اے بی ایل ، نیشنل بینک ، ایم سی بی ، بینک الحبیب ، فیصل بینک ، الفلاح بینک اور عسکری بینک و دیگر بینکوں نے حج درخواستیں وصول کرنا شروع کردی ہیں اور عوام نے بھی درخواستیں جمع کرانے کیلئے مختلف بینکوں کا رخ کرلیا ہے وفاقی دارالحکومت میں موجود مختلف بینکوں کی برانچوں نے بینک کے باہر حج پوسٹر بھی لگادیئے ہیں اور حج درخواستوں کی مزید معلومات کیلئے مختلف نمبرز بھی جاری کردیئے ہیں ۔