کراچی ( نیوزڈیسک) کراچی میں حساس اداروں اور رضویہ پولیس کے ہاتھوں گرفتار کالعدم جماعت کے امیر جنید الرحمان کی تفتیشی رپوٹ سامنے آگئی ہے ۔، ملزم نے سابق صدر پرویز مشرف پر حملے کی منصوبہ بندی سمیت متعدد وارداتوں کا اعتراف کیا ہے ۔ذرائع کے مطابق تفتیشی رپورٹ میں انکشاف کیا گیا ہے کہ مفتی شاہد کی گرفتاری کے بعد جنید الرحمان کو کراچی کا امیر بنایا گیا۔ 2013 میں اس کی ٹیم نے کورنگی میں حساس ادارے کی گاڑی پر بم حملہ کرایا۔ کورنگی میں اس کی ٹیم نے رینجرز کے ٹرک میں ریموٹ کنٹرول بم دھماکہ بھی کیا جبکہ سپارکو بس پر حملے میں ملزم نے خود ریکی کی تھی۔ تفتیشی رپورٹ کے مطابق سابق صدر پرویز مشرف پر حملے کا منصوبہ بھی اسی نے بنایا تھا۔ ملزم جنید نے مخالف فرقے کے ڈاکٹرز سمیت متعدد افراد کی ساتھیوں کے ساتھ ملکر ٹارگٹ کلنگ بھی کی۔ ملزم نے انکشاف کیا کہ کراچی میں روشن اور اس کی ٹیم ٹارگٹ کلنگ کی وارداتیں کر رہی ہے۔