اسلام آباد (نیوز ڈیسک) حکومت اور دھرنے کے قائدین کے درمیان مذاکرات کامیاب ہو گئے جس کے نتیجے میں سات نکاتی تحریری معاہدہ طے پا گیا ہے۔ اس معاہدے کے مطابق دھرنے کے دوران گرفتار شدہ افراد کو رہا کیا جائے گا، توہین رسالت کے مقدمے میں کسی شخص کے ساتھ رعایت نہیں ہو گی، 295سی قانون میں کوئی ترمیم نہیں ہو گی،علماء پرمقدمات کی واپسی کا جائزہ لیا جائے گا ۔ فورتھ شیڈول کی فہرست پر نظرثانی کا عمل جاری ہے، میڈیا پر فحش پروگراموں کی روک تھام کیلئے علماء کرام ثبوتوں کے ہمراہ پیمرا سے رجوع کریں گے جو کہ قانون کے دائرہ میں رہتے ہوئے کارروائی کرنے کا مجاز ادارہ ہے۔ نظام مصطفی کے ضمن میں سفارشات مرتب کر کے وزارت مذہبی امور کو پیش کی جائیں گی۔