لاہور(نیوز ڈیسک) پنجاب سے تعلق رکھنے والے اعلیٰ بیورو کریٹ کے قریبی عزیز نے ” روشن پاکستان لیگ “ کے نام سے سیاسی جماعت بنا لی ، شمولیت کے لئے ہم خیال رہنماﺅں سے رابطے شروع کر دئیے گئے جسکے بعد آنے والے دنوں میں بھرپور سیاسی سر گرمیوں کا آغاز کردیا جائے گا۔ باوثوق ذرائع کے مطابق پنجاب سے تعلق رکھنے والے ایک اعلی بیوکریٹ کے قریبی عزیر محمد اعظم ” روشن پاکستان لیگ “کے مرکزی صدر ہیں جبکہ اسے بطور سیاسی جماعت الیکشن کمیشن میں رجسٹر ڈ بھی کرا لیا گیا ہے ۔ بتایا گیا ہے کہ پنجاب کے اعلی بیوکریٹ کے بزرگ کے نام سے بنائی گی یہ جماعت ان دنوں ہم خیالوں کو جماعت میں شمولیت کی دعوت دے رہی ہے اور آنے والے دنوں میں باقاعدہ اس سیاسی جماعت کو فعال کرنے کا فیصلہ بھی کیا گیا ہے ۔