اسلام آباد(نیوزڈیسک)پی آئی اے کی جگہ نئی ایئرلائن پاکستان ایئرویزمیں نئی ملازمتیں،حکومت نے حیرت انگیز اعلان کردیا، محکمہ شہری ہوابازی کے سیکریٹری عرفان الٰہی کہتے ہیں کہ پی آئی اے ملازمین اس نئی ایئرلائن میں ملازمت کے لیے درخواستیں دینے کے اہل ہیںانہوںنے کہا ہے کہ حکومت نے پاکستان ایئر ویز کی تشکیل کیلیے 100 ارب روپے مختص کر دیے ہیں۔نجی ٹی وی سے گفتگو میں انہوں نے بتایا کہ نئی ایئرلائن کے آغاز کی تیاریاں اختتامی مراحل میں ہیں، اس فضائی کمپنی میں پی آئی اے کا کوئی عمل دخل نہیں ہو گا، یہ الگ ایئرلائن ہو گی، البتہ پی آئی اے ملازمین اس نئی ایئرلائن میں ملازمت کے لیے درخواستیں دینے کے اہل ہیں۔واضح رہے کہ وزیراعظم نوازشریف پاکستان ایئرویز کے قیام کی منظوری دے چکے ہیں۔