کراچی(نیوز ڈیسک)کراچی میں دھکوں ،مکوں اورلٹک کرسفرکادورختم ہونے کے آثار نظر آنے لگے ہیں،وزیراعظم نواز شریف کراچی شہر کے لیے تیزرفتارگرین لائن بس سروس کا سنگ بنیاد آج رکھیں گے۔ ایک سال میں سفر ممکن ہوجائے گا۔یومیہ 3 لاکھ مسافر اس سہولت سے فائدہ اٹھاسکیں گے۔گرین لائن بس ریپڈ سروس ملک کا پہلا تیز ترین ٹرانزٹ سسٹم ہو گا۔یہ گرین لائن بس سرجانی ٹاون سے شروع ہو کر میونسپل پارک ایم اے جناح روڈ تک چلے گی۔ہرائرکنڈیشنڈ بس میں 34 افراد سوار ہو سکیں گے جبکہ خواتین کے لئے 13 نشستیں مخصوص ہوں گی۔کراچی سے پہلے لاہور اور اسلام آباد میں میٹروبس منصوبوں کا آغاز کیا گیا جن سےدونوں شہروں کےافرادکوآرام دہ سفرکی سہولت ملی ہے۔لاہور میٹروبس 27 کلومیٹر جبکہ راولپنڈی اسلام آباد میٹرو بس کا روٹ ساڑھے بائیس کلومیٹر طویل ہے۔دونوں روٹس پر 86،86 بسیں،مسافروں کو منزلوں کی جانب لاتی اور لے جاتی ہیں۔اب کراچی میں گرین لائن بس کےمنصوبے پر 16 ارب ساڑھے 8 کروڑ روپے لاگت آئے گی اور یہ تمام فنڈز وفاقی حکومت فراہم کرے گی۔منصوبہ ایک سال میں مکمل کیا جائے گا اور اس سے یومیہ تین لاکھ مسافر مستفید ہوں گے۔لندن میں زیر زمین ٹرینوں کا نظام 402 کلو میٹر طویل ہے۔اس نظام کو شہری سفر کیلئے ترجیح دیتے ہیں،واشنگٹن میں انڈر گراونڈ ٹرین سے لاکھوں لوگ روزانہ سفر کرتے ہیں ،انڈر گراونڈ نیٹ ورک کو دوسری ریاستوں سے ملانے کے لیے بس سروس بھی قائم ہے۔ پاکستان کی پہلی میٹرو بس سروس کا آغاز لاہور سے ہوا۔