لاہور(نیوز ڈیسک) شفیق آباد کے علاقے میں ڈاکٹروں کی آڑ میں موٹرسائیکل چوری کرنے کا عادی ملزم گرفتار ، پولیس نے ملزم کے قبضے سے 56موٹرسائیکلیں برآمد کر لی، ملزم نے ابتدائی تفتیش میں درجنوں وارداتوں کا انکشاف کیا ہے۔ ملزم کے خلاف درج مقدمات میں 29ٹریس ہوچکے ہیں۔ تفصیلات کے مطابق شفیق آباد کے علاقے امین پارک کا رہائشی ڈاکٹر نادر رضا مقامی ڈاکٹر تھا اور کلینک میں کام کر تا تھا ڈاکٹری کی آڑ میں موٹرسائیکلوں کی چوری کا عادی مجرم تھا۔ اطلاع ملنے پر پولس نے ڈاکٹر نادر رضا کو گرفتار کرکے اس کے قبضے سے 56موٹرسائیکلیں برآمد کرلیں۔ بتایا گیا ہے کہ موٹرسائیکلوں کے علاوہ کئی موٹرسائیکلوں کے انجن اور دوسرا سپر پارٹس بھی برآمد ہوا ہے۔ پولیس نے بتایا کہ ابتدائی تفتیش میں ملزمان نے درجنوں واردات کا اعتراف کیا ہے جن میں 29مقدمات ٹریس ہوچکے اور تفتیش جاری ہے مزید انکشافات متوقع ہیں۔