مظفر آباد (نیوز ڈیسک) آزاد کشمیر سے تعلق رکھنے والے ایک شہری نے ”جندر“کے زریعے پاکستان میں بجلی کا بحران ختم کرنے کا دعوی کر دیا ہے۔ یاد رہے کہ پاکستان کے زیر انتظام کشمیر میں پن چکیوں کے نظام کو جندر کہا جاتا ہے ۔ آزاد کشمیر کے صدر مقام مظفر آباد کے رہائشی 36سالہ ارشد راشد کا کہنا ہے کہ اگر حکومت پاکستان معاونت فراہم کرے تو ان پن چکیوں سے بجلی پیدا کر کے لوڈ شیڈنگ کا ہمیشہ کے لیے خاتمہ کر سکتا ہوں۔ ارشد راشد کے مطابق کشمیر میں جندر صدیوں سے زیر استعمال ہے۔ اس کے ذریعے شفاف طریقے سے مفت بجلی بنائی جاسکتی ہے۔ انہوں نے بتایا ہے کہ اگر ہر ایک پن چکی کو ایک چھوتے سے ٹرابائن کے ساتھ منسلک کر دیا جائے تو بجلی کی پیدوار باآسانی شروع ہو جائے گی اور اس طرح پاکستانیوں کو لوڈشیڈنگ سے چھٹکارا مل جائے گا۔ ارشد راشد کے بقول بڑے منصوبوں پر توجہ مرکوز کرنے کے بجائے حکومت پن چکیوں میں چھوٹے ٹربائن لگانے میں مدد کرنی چاہیے۔ اس طرح ایک ٹربائن پر 5لاکھ پاکستانی روپے لاگت آئے گی لیکن ابھی ہمیں اس سلسلے میں کوئی مدد نہیں ملی۔