کراچی(نیوزڈیسک)کراچی میں سائٹ بی کے علاقے سے گرفتار گینگ وار ٹارگٹ کلر رحمان عرف خان بھائی نے دوران تفتیش اہم انکشافات کرتے ہوئے بتایا کہ بھتہ نہ دینے پر کئی افراد کو اغوا کے بعد قتل کردیاگیا، لسانی فسادات کے دوران درجنوں بے گناہ نوجوانو ں کو اغوا کے بعد قتل کیا اورکئی افراد لاشیں لیاری ندی میں پھینک دی گئیں۔تفتیشی حکام کے مطابق تفتیشی ٹیم کے سامنے ملزم رحمان عرف خان بھائی نے اعتراف کیا کہ بھتہ نہ دینے پر وہ کئی افراد کو اغوا کے بعد قتل کر چکاہے۔ قتل کرکے لاشیں رکشہ میں لے جا کر ٹھکانے لگاتے تھے۔ ملزم نے انکشاف کیا کہ لسانی فسادات کے دوران درجنوں بے گناہ نوجوانو ں کو اغوا کے بعد قتل کیا اورکئی افراد کو قتل کرکے لاشیں لیاری ندی میں پھینک دی گئیں۔ٹارگٹ کلر خان بھائی نے انکشاف کیا کہ لیاری میں تصادم کی اصل وجہ منشیات کا کاروبار ہے اور اس کاروبار کے بیچ آنے والے کئی پولیس اہلکاروں کو بھی قتل کر دیا گیا۔