اسلام آباد (نیوز ڈیسک)محکمہ موسمیات کا کہنا ہے کہ آئندہ 24گھنٹوں کے دوران ملک کے بیشتر علاقوں میں موسم سرد اورخشک رہنے کا امکان ہے تاہم گلگت بلتستان میں چند مقامات پر بارش اور پہاڑوں پر برفباری متوقع ہے۔ محکمہ موسمیات کے فورکاسٹنگ آفیسرعمران احمد صدیقی نے کہا کہ آج ریکارڈ کیے گئے نقطہ انجماد سے کم درجہ حرارت: پاراچنارمنفی05،سکردو،استورمنفی 02،دیر،کوئٹہ منفی 01 ڈگری سینٹی گریڈ۔گزشتہ24 گھنٹوں کے دوران اسلام آباد ، کشمیر، گوجرانوالہ، راولپنڈی،ہزارہ ڈویڑن میں اکثر مقامات پر جبکہ پشاور، لاہور، فیصل آباد، سرگودھا، ملتان ،ساہیوال ڈویڑن اور گلگت بلتستان میں کہیں کہیں پر بارش ہوئی۔ سب سے زیادہ مری میں 47 ملی میٹر جبکہ راولاکوٹ 45،پٹن 40،کوٹلی 39، مظفرا?باد32، بالاکوٹ،کاکول 29، چلاس 24، منگلہ 23، جہلم ، راولپنڈی 22، اسلام آباد 20،جھنگ 17، مالم جبہ، سیالکوٹ سٹی 14، گوجرانوالہ 11،بونجی 10، میانوالی ، منڈی بہاولدین 09، گلگت 08، لاہور ائر پورٹ،سرگودھا 06، میرکھانی 05،بہاولپور، کالام ،فیصل آباد 04، سیال کوٹ ایئر پورٹ ،دروش ،چراٹ ،دیر،ساہیوال ،ٹوبہ ٹیک سنگھ ،چترال،لاہور سٹی 03،ملتان ، سیدو شریف 02،لوئر دیر ، اوکاڑہ اور پشاور سٹی میں 01ملی میٹر بارش ریکارڈ کی گئی۔