اسلام آباد (نیوز ڈیسک) فیس بک لائیو ویڈیو اسٹریمنگ میں صارفین اپنے نیوز فیڈ کے ٹاپ پر اپ ڈیٹ سٹیٹس کو منتخب کریں گے اور نیو لائیو ویڈیو آئیکون کو کلک کرنے کے بعد لائیو سٹریم کو شیئر کر سکیں گے ۔ رپورٹ کے مطابق فیس بک نے دنیا بھر کے صارفین کے لیے لائیو ویڈیو اسٹریمنگ کا فیچر متعارف کرا دیا۔چند ماہ پہلے متعارف کروایا گیا یہ فیچر اس سے پہلے معروف شخصیات ، ویریفائیڈ پروفائلز اور امریکی صارفین کے لیے ہی دستیاب تھا۔ تاہم اب فیس بک کی طرف سے اسے دنیا بھر میں متعارف کرایا جا رہا ہے۔پہلے مرحلے میں اس فیچر کو برطانیہ، جرمنی، برازیل اور جنوبی افریقہ میں پیش کیا جا چکا ہے۔لائیو اسٹریمنگ ٹول کے لیے صارفین اپنے نیوز فیڈ کے ٹاپ پر اپ ڈیٹ اسٹیٹس کو منتخب کریں گے اور نیو لائیو ویڈیو آئیکون کو کلک کرنے کے بعد لائیو اسٹریم کو شیئر کر سکیں گے اور اس میں اپنی مرضی کی لائنز کا اضافہ بھی کرسکیں گے۔