اسلام آباد (نیوز ڈیسک)نیب کے حوالے سے حکومت کے تحفظات ہیں ، نیب مقدمات کو سالہا سال لٹکا کر رکھتا ہے ، فیصلہ نہیں ہوپاتا ، ایف آئی اے کو خط لکھ دیا ہے۔ ان خیالات کا اظہار وفاقی وزیر ریلوے خواجہ سعد رفیق نے قائمہ کمیٹی کے اجلاس سے خطاب کرتے ہوئے کیا۔ انہوں نے کہا کہ حکومت نے ریلوے کے 55 ناکارہ انجنوں کی خریداری کی تحقیقات نیب کے بجائے ایف آئی اے سے کرانے کا فیصلہ کرلیا۔ وزیر ریلوے خواجہ سعد رفیق کہتے ہیں نیب پر حکومت کے تحفظات ہیں ، نیب مقدمات کو سالہا سال لٹکا کے رکھتا ہے ، فیصلہ نہیں ہوتا۔ نیب کا بلا تفریق احتساب ، حکومت کا ایک بار پھر عدم اعتماد۔ 55 ناکارہ ریلوے انجنوں کی خریداری ، تحقیقات ایف آئی اے سے کرانے کا فیصلہ۔ قائمہ کمیٹی کے اجلاس میں ریلوے کے 55 ناکارہ انجنوں پر بریفنگ دیتے ہوئے وفاقی وزیر خواجہ سعد رفیق نے کہا کہ نیب کے مقدمات کا فیصلہ چھ چھ سال بھی نہیں ہو پاتا۔ نیب کی کارکردگی پر تحفظات کے باعث تحقیقات کے لیے ایف آئی اے کو خط لکھ دیا ہے۔ وفاقی وزیر کا کہنا تھا کہ چینی انجینئرز نے تسلیم کیا کہ دو ہزار ہارس پاور کے انجنوں کے ڈیزائن میں فالٹ تھا۔ ہدایت کی ہے کہ اب امریکی یا یوروپین کمپنیوں سے انجن خریدے جائیں۔