اسلام آباد(نیوز ڈیسک ) جڑواں شہروں میں آج سے بارش شروع ہے، تاہم ملک کے دیگر حصوں میں کہیں بھی بارش کا کوئی امکان نہیں ہے،یہ بات محکمہ موسمیات کے ڈی جی نے بتائی ،ان کا کہنا تھا کہ کہ آئندہ مہینوں کے دوران گرم ہواو¿ں کے باعث درجہ حرارت میں تیزی سے بڑھنے کا امکان ہے اور اس کے سب سے زیادہ اثرات پنجاب پر پڑیں گے، انہوں نے کہا کہ موسم سرما تقریباً اپنے اختتام تک پہنچ چکا ہے ،میر پور خاص ،ٹھٹھہ اور بدین کے اضلاع سے درجہ حرارت معمول کے مطابق ہے جس سے گندم کی کٹائی عام حالات سے دو ہفتے قبل شروع ہو جائے گی جبکہ ملک کے بیشتر علاقوں میں آئندہ ہفتوں کے دوران بارشوں کا کوئی امکان نہیں ہے تاہم اسلام آباد،راولپنڈی،مالاکنڈ،ہزارہ ڈویڑن اور کشمیر میں جمعہ اور ہفتہ کو بارش کا امکان ہے ،ان کا کہنا تھا کہ ۔رواں سال موسم سرما کے دوران کم بارشوں کے باعث درجہ حرارت میں تیزی سے تبدیلی آنے کا امکان ہے اورباالخصوص رواں سال پنجاب میں گرمی کی شدت آئندہ مہینوں کے دوران بڑھ سکتی ہے۔