اسلام آباد (نیوزڈیسک) پاکستان سٹیٹ آئل کمپنی نے تیل کی خریداری کیلئے بجلی فراہم کرنے والی کمپنیوں سے 80 ارب روپے مانگ لیے۔نجی ٹی وی کے مطابق پاور سیکٹر کے ذمہ پی ایس او کے 200 ارب روپے ہوگئے ہیں جن کی ادائیگی میں کوئی دلچسپی نہیں لی جارہی جس کی وجہ سے پی ایس او کو شدید مشکلات کا سامنا ہے۔ بدھ کو پی ایس او نے پاور سیکٹر کمپنیز کو ہدایت جاری کی کہ 80 ارب روپے کے بقایا جات فوری طور پر ادا کیے جائیں کیونکہ پاور سیکٹر کی طرف سے ادائیگی نہ ہونے کی وجہ سے تیل کی خریداری میں شدید مسائل کا سامنا ہے۔ پی ایس او نے ہدایت کی ہے کہ اگر بقایا جات ادا نہ کیے گئے تو پاور سیکٹر کمپنیز کو تیل کی فراہمی معطل کردی جائے گی۔