لاہور(نیوز ڈیسک) لاہور ہائیکورٹ کا نام صوبے کے نام سے منسوب کرنے کے لئے عدالت عالیہ میں درخواست دائر کر دی گئی ۔ ہائیکورٹ کے سینئر وکیل جاوید رشید محبوبی نے لاہورہائیکورٹ میں درخواست دائرکی جس میں انہوں نے موقف اختیار کیا ہے کہ آئین کے آرٹیکل 175کے تحت سندھ ہائیکورٹ اور بلوچستان ہائیکورٹ کے نام ان کے صوبوں کے ناموں سے منسوب ہیں لیکن لاہور ہائیکورٹ اورپشاور ہائیکورٹ کا نام صوبائی دارالحکومت کے ناموں سے پکارا جاتا ہے، اس لئے آئین میں ترمیم کر کے لاہور ہائیکورٹ کا نام پنجاب ہائیکورٹ اورپشاور ہائیکورٹ کا نام خیبر پختونخواہ ہائیکورٹ رکھا جائے۔