لاہور(نیوز ڈیسک) سیاستدانوں کی زیادہ شادیاں عام بات لیکن نئی نسل کے سیاستدانوں کو خفیہ شادیاں لے ڈوبیں ،یہاں تک کہ سیاسی کیریئربھی خطرے میں پڑگیا۔ نجی ٹی وی چینل کے مطابق پاکستانی سیاست میں مصطفی کھر نے درجنوں شادیوں سے شہرت یا بدنامی مول لی لیکن پے درپے شادیوں پر وہ کبھی پچھتائے اور نہ ہی ان کا سیاسی کیریئردآپر لگا۔ اسی فہرست میں ایک نام شہبازشریف کا بھی ہے۔ ایک سے زیادہ شادیوں کے جراثیم موجودہ نسل میں بھی منتقل ہوئے لیکن نسل نو کے سیاستدان خفیہ شادیاں چھپانے یا ان سے جڑے تنازعات دبانے میں ناکام رہے ، نئی دلہنیں نہ صرف ان کے گلے پڑگئیں بلکہ سیاسی کیریئرکو بھی داو پر لگالیا۔ پنجاب کے سابق وزیراعلیٰ رہنے والے دوست محمد کھوسہ تو بالکل ہی پھنس گئے ، یہاں تک کہ وزارت سے بھی ہاتھ دھونا پڑے ، ا±نہوں نے سٹیج اداکارہ سپنا سے شادی کی تھی ، پھر اس خاتون کو کسی نے نہیں دیکھا، سپنا کے والددوست محمد سے دشمنی پر اترآئے اور الزام لگایاکہ داماد نے بیٹی کو اغواءکرکے قتل کردیا، معاملہ عدالت میں ہے لیکن شہبازشریف نے دوستی کوبالائے طاق رکھتے ہوئے کھوسہ سے وزارت واپس لے لی۔ایسی ہی صورتحال سے وزیراعلیٰ کے صاحبزادے حمزہ شہبازشریف دوچار ہیں اور مسلم لیگ ن کے سابق رکن صوبائی اسمبلی احدملک کی صاحبزادی عائشہ احد دعویٰ کرتی ہیں کہ حمزہ شہباز نے ان سے شادی رچائی تھی اور اب صاف مکر گئے ، حمزہ بھاگے بھاگے پھر رہے ہیں اورعائشہ کا سامنا کرنے سے ہی کتراتے ہیں لیکن دعویٰ یہی ہے کہ عائشہ جھوٹ بول رہی ہیں۔ عائشہ کاشادی کے ثبوتوں کے بارے میں دعویٰ ہے کہ وقت آنے پر دیں گی۔ میاں برادران بھی اس سکینڈل سے عاجز ہیں اور شایداسی وجہ سے مریم نواز کو آگے لایاگیا