کوئٹہ(نیوز ڈیسک)پاکستان ایران مشترکہ سرحدی کمیشن کا اجلاس آج کوئٹہ میں شروع ہورہا ہے ،اجلاس میں دونوں ممالک کے درمیان سرحدی معاملات پر تبادلہ خیال کیا جائے گا۔ محکمہ داخلہ ذرائع کے مطابق پاک ایران جوائنٹ بارڈر کمیشن کا 19 واں اجلاس دو روز تک جاری رہے گا۔ ایرانی وفد کوئٹہ پہنچ چکا ہے۔ اجلاس میں پاکستانی وفد کی سربراہی چیف سیکریٹری بلوچستان سیف اللہ چٹھہ اور ایرانی وفد کی قیادت ڈپٹی گورنر سیستان بلوچستان کریں گے۔ اجلاس میں سیکرٹری داخلہ بلوچستان ،ایرانی سرحد سے ملحقہ بلوچستان کے 5اضلاع کے ڈپٹی کمشنر ز،ایف سی اور انسداد منشیات کے حکام بھی شرکت کریں گے۔ اجلاس میں سرحد پر غیرقانونی آمد و رفت اور قیدیوں کے تبادلوں پر بھی بات چیت کی جائے گی