اسلام آباد(نیوز ڈیسک) سپیکر قومی اسمبلی سر دارایاز صادق کو متفقہ طور پر اسلامی ممالک کی پارلیمانی یونین کی 11ویں جنرل اسمبلی کا وائس چیئرمین منتخب کیا گیا۔قومی اسمبلی سیکریٹریٹ سے جاری بیان میں کہا گیا ہے کہ ایاز صادق کا انتخاب عراق کے دارالحکومت بغدادمیں ہونے والی اسلامی ممالک کی پارلیمانی یونین کی 11 ویں جنرل اسمبلی کے افتتاحی اجلاس میں کیا گیا۔ اسپیکر قومی اسمبلی سر دار ایازصادق کا وائس چیئرمین شپ کیلیے نام پیش کرتے ہوئے ایران کے اسپیکر ڈاکٹر علی لاریجانی نے پاکستان کی دہشت گردی کے خلا ف کاوشوں اور امت مسلمہ میں اتحاد اور مفاہمت کو فر وغ دینے کے لیے پاکستانی قیادت کے کردارکو زبردست خراج تحسین پیش کیا۔وائس چیئر مین شپ کیلیے سردارایازصادق کے نام کی 32ممالک سے آئے ہوئے اسپیکر اور وفود کے سر براہان نے متفقہ طور پر تائید کی۔