اسلام آباد(نیو زڈیسک)محکمہ موسمیات نے رواں ہفتے بارش اور شدید برف باری کی پیش گوئی کی ہے ،محکمہ موسمیات کا کہنا ہے کہ اس کے بعد سردی مزید بڑھ جائے گی،مری میں جمعہ اور جمعرات کے روز شدید برف باری کی پیش گوئی کی گئی ہے جبکہ گلیات اور وادی نیلم میں بھی جمعرات کی شام برف باری ہوگی ، ملاکنڈ ہزارہ ڈویژن اور گلگت بلتستان میں بھی بارش اور برف باری کی پیش گوئی کی گئی ہے ،جمعرات اورجمعہ کے روزپنجاب کے بالائی علاقوں ،اسلام آباداورکے پی کے میں بارش کاامکان ہے۔ محکمہ موسمیات کاکہناہے کہ پوٹھوہار،جنوبی پنجاب اورسندھ کے بالائی علاقوں میں شدیددھندجاری رہے گی۔منگل اوربدھ کے روزشمالی علاقوں ،مری گلیات ،وادی نیلم میں برف باری کاامکان ہے جبکہ تین روزبعدپنجاب،اسلام آبادکے پی کے میں دھندمیں کمی کاامکان ہوگا۔پنجاب کے تمام میدانی علاقوں کے درجہ حرارت میں کافی کمی دیکھنے میں آئی ہوئی ہے تاہم آئندہ24گھنٹوں کے دوران موسم خشک اورسردرہے گا۔دوسری جانب شدیدسردی کی وجہ پنجاب حکومت نے 26جنوری سے 31جنوری تک سرکاری اورپرائیویٹ سکولوں کوبندکرنے کافیصلہ ہوگیا۔ایک نجی ٹی وی چینل کے مطابق پنجاب میں جنوری سے 31جنوری تک سرکاری اورپرائیویٹ سکولوں کوبندکرنے کافیصلہ کیاگیا۔صوبائی وزیرتعلیم رانامشہودنے بتایاکہ یہ فیصلہ بچوں کوشدید سردی سے بچانے کےلئے کیاگیاہے۔لاہورسمیت پنجاب بھرمیں سرکاری اورپرائیویٹ سکول بندرہیں گے۔