لاہور۔۔۔۔پاکستان کرکٹ بورڈ (پی سی بی) نے ا ل راؤنڈر محمد حفیظ کے ٹیسٹ کے لیے ا ئی سی سی کو باضابطہ درخواست دے دی ہے۔ا ل راؤنڈر محمد حفیظ کا باؤلنگ ایکشن مشکوک قرار دیتے ہوئے کرکٹ کی عالمی گورننگ باڈی ا ئی سی سی نے سات دسمبر کو ان کی باؤلنگ پر پابندی عائد کردی تھی۔
ذرائع کے مطابق پی سی بی نے بدھ کو حفیظ کے باؤلنگ ایکشن کے ٹیسٹ کے لیے ا ئی سی سی سے باضابطہ درخواست دے دی ہے۔پی سی بی نے ا ئی سی سی سے درخواست کی ہے کہ وہ فروری کے پہلے ہفتے میں حفیظ کے باؤلنگ ایکشن کا ٹیسٹ لے۔حفیظ کا باؤلنگ ایکشن پہلی مرتبہ چیمپئنز لیگ میں مشکوک رپورٹ ہوا تھا جب وہ لاہور لائنز کی قیادت کر رہے تھے لیکن اس وقت ان پر عالمی سطح پر پابندی عائد نہیں کی گئی تھی۔لیکن نیوزی لینڈ کیخلاف ابو ظہبی میں ہونے والے پہلے ٹیسٹ میچ کے بعد امپائرز نے ان کا ایکشن مشکوک رپورٹ کیا اور ان کی باؤلنگ پر پابندی عائد کردی گئی۔اب حفیظ اس وقت عالمی سطح پر باؤلنگ نہیں کر سکتے جب تک ان کا ایکشن ا ئی سی سی کلیئر قرار نہیں دے دیتی۔