لاہور(نیوز ڈیسک) شدید دھند کے باعث پنجاب کے متعدد اضلاع میں آئندہ ہفتہ سے حد نظر ایک میٹر سے بھی کم رہنے کا امکان ظاہر کرتے ہوئے محکمہ موسمیات سے وابستہ آفیسر نے انکشاف کیا ہے کہ آئندہ ہفتے میں بارش کا کوئی امکان نہیں تاہم ٹھنڈی ہوا چلنے سے سردی کی شدید میں28 جنوری تک اضافہ رہے گا۔ سردی کی شدت میں اضافے اور دھند کی وجہ سے بڑی شاہراؤں اور موٹر ویز پر جانے والی گاڑیوں کے لئے موٹر وے اور نیشنل ہائی وے پولیس نے ہدایت نامہ بھی جاری کر دیا ہے جس میں فوگ لائٹس اور گاڑیوں کی رفتارکی حد بندی شامل ہے تاکہ حادثات سے بچا جاسکے۔