بدین (نیوز ڈیسک) سندھ کے سابق وزیر داخلہ ذوالفقار مرزا نے کہا ہے کہ انتخابات پہلے بھی شفاف نہیں ہوئے اور اب بھی شفاف نہیں ہوں گے۔ ذوالفقارمرزا نے بدین میں نو منتخب بلدیاتی نمائندوں کی تقریب حلف برداری میں شرکت کے موقع پر ان خیالات کا اظہار کیا۔ انہوں نے کہا جلد اپنی پارٹی بنا رہا ہوں، میری وکلا ٹیم پارٹی کا آئین تشکیل دے رہی ہے۔ ذوالفقار مرزا نے کہا سیاسی جماعت بنانا کوئی آسان کام نہیں ہے۔ انہوں نے کہا پرویز مشرف اور ایم کیو ایم گرینڈ الائنس میں شامل ہوئے تو الائنس چھوڑ دوں گا۔