کراچی(نیوز ڈیسک)کراچی کے مختلف علاقوں میں پولیس اور رینجرز نے کاروائیاں کرکے ایک ملزم گرفتار جبکہ 4 مشتبہ افراد کو حراست میں لے لیا۔پولیس کے مطابق گرفتار ملزم سلیم محمود آباد کے علاقے میں متعدد بھتہ خوری اور اسٹریٹ کرائمز متعددکی وارداتوں میں ملوث ہے،ملزم دکانداروں کو بھتہ نہ دینے پر تیز دھار آلے سے نقصان پہنچانے کی دھمکی دیتا تھاملزم کا تعلق سیاسی جماعت سے ہے۔ ملزم کے قبضے سے اسلحہ اور بھتہ کی رقم 5900روپےبھی برآمد کرلی گئی ہے۔ ملزم کے خلاف مقدمہ درج کرکے تفتیش شروع کردی گئی ہے۔ذرائع کے مطابق خفیہ اطلاع پر قانون نافذ کرنے والے ادارے کے اہلکاروں نے پرانی سبزی منڈی میں ٹارگٹڈ سرچ آپریشن کیا ،جس کے دوران ایک مشتبہ شخص کو حراست میں لیکر تفتیش کے لئے نامعلوم مقام پر منتقل کردیا گیا۔پولیس کے مطابق 3 ملزمان کو خواجہ اجمیر نگری میں عوام کی جانب سے وہاں پر موجودپولیس اہلکاروں کے حوالے کیا گیا،شہریوں کا کہنا تھا کہ3 تینوں افراد لوٹ مار کررہے تھے۔تاہم تھانے میں ملزمان کے خلاف کوئی مدعی نہیں آیا،نہ ہی مشتبہ ملزمان کے قبضے سے اسلحہ یا غیر قانونی چیز برآمد ہوئی ہے،مشتبہ ملزمان کم عمر ہیں اور ان کے کا مجرمانہ بیک گراﺅنڈ بھی نہیں ہے،تفتیش جاری ہے۔