اسلام آباد۔۔۔۔سابق چیف جسٹس آف پاکستان جسٹس ریٹائرڈ افتخار محمد چوہدری نے عمران خان کیخلاف 20 ارب روپے ہرجانے کا دعویٰ دائرکردیا۔سابق چیف جسٹس آف پاکستان جسٹس ریٹائرڈ افتخار محمد چوہدری کی جانب سے ان کے وکلا نے اسلام آباد کی ڈسٹرکٹ اینڈ سیشن جج کی عدالت میں پاکستان تحریک انصاف کے چیرمین عمران خان کے خلاف 20 ارب روپے ہرجانے کا دعویٰ دائر کیا ہے۔ اپنی درخواست میں سابق چیف جسٹس نے موقف اختیار کیا گیا ہے کہ عمران خان کی جانب سے ان پر بے بنیاد الزامات عائد کئے گئے ہیں جن سے ان کی شہرت کو نقصان پہنچا ہے۔واضح رہے کہ عمران خان سابق چیف جسٹس پر انتخابات میں دھاندلی کا الزام عائد کرتے ہیں، جس پر افتخار محمد چوہدری نے غیر مشروط معافی مانگنے کے لئے قانونی نوٹس بھی بھجوایا تھا، جس پر ان کے وکیل حامد خان نے جواب بھی داخل کرایا گیا تھا بعد میں انہوں نے ہتک عزت پر اپنا جواب واپس لے لیا تھا۔