اسلام آباد(نیوز ڈیسک)سوات میں شدت پسندوں کی جانب سے لڑکیوں کو کوڑے مارے جانے کی وڈیو کامعاملہ سپریم کورٹ نے نمٹادیا۔سپریم کورٹ نے سوات میں شدت پسندوں کی جانب سے لڑکیوں کو کوڑے مارے جانے کی وڈیو منظر عام پر آنے کے بعد از خود نوٹس لیا تھا،جسٹس ثاقب نثار کی سربراہی میں تین رکنی بنچ نے کیس کی سماعت کی۔ جسٹس ثاقب نثار نے ریمارکس دیے کہ غالباً بچی کو کوڑے مارنے کی وڈیو جعلی تھی، یہ سوشل میڈیا پربھی جاری کی گئی۔چاند بی بی اور اس کے شوہر نے بیان دیا ہے کہ ایسا کوئی واقعہ نہیں ہوا۔ متاثرہ فریق کے وکیل نایاب گردیزی نے عدالت کو بتایا کہ دائر مقدمے کی ایف آئی آر بھی ختم کر دی گئی ہے