ملتان(نیوزڈیسک)ہوشیار! خبردار!اپنے بچوں کے بارے میں محتاط ہوجائیں،ملتان میں وہ ہوگیا جس کا کوئی سوچ بھی نہیں سکتاتھا،جیب خرچ نہ ملنے پر 10 سالہ بچے نے خود کشی کر لی،تفصیلات کے مطابق ملتان کے علاقے جلال پور پیر والا میں جیب خرچ نہ ملنے پر 10 سالہ بچے نے پنکھے سے لٹک کر خود کشی کر لی۔ جلال پور پیر والا کے علاقے جہاں پور میں 10 سالہ جنید نے والدین سے جیب خرچ کے لیئے 50 روپے مانگے تاہم انکار اور ڈانٹ ڈپٹ پر بچے نے خود کو کمرے میں بند کر لیا اور پنکھے کے ساتھ پھندا لگا کر خود کشی کر لی۔ جس پر متعلقہ پولیس اسٹیشن نے قانونی کاروائی شروع کر دی ہے۔ بچے کے والدین کے مطابق جنید نے 50 روپے مانگے جو ان کے پاس نہیں تھے۔ انہوں نے جنید کو ڈانٹ دیا جس پر اس نے خود کشی کر لی۔واضح رہے کہ پاکستان میں بڑھتی ہوئی مہنگائی ،بے روزگاری اورغربت کی وجہ سے اکثر والدین اپنے بچوں کی خواہشات پوری کرنے میں ناکام رہتے ہیں مگر ایسی صورتحال میں بچوں کے ساتھ دوستانہ ماحول میں گفتگو کرکے ان کو اپنی مجبوریوں کے بارے میں آگاہی دے کر سمجھانا اورمستقبل میں حالات بہتر ہوتے ہی بچوں کی خواہش پوری کرنے کی یقین دہانی ہی بہترین طریقہ ہے ،بچوں کے کسی بھی تقاضے پر ان سے ڈانٹ ڈپٹ اور بدسلوکی والدین کو ایسے صدمے سے دوچار کرسکتی ہے جیسا کہ ملتان میں افسوسناک واقعہ پیش آیا، تمام والدین سے گزارش ہے کہ اپنے بچوں سے دوستانہ رویہ رکھیں اوراپنی خوشیوں اوراپنے مسائل کے بارے میں بچوں کو آگاہ رکھیں تاکہ بچے بھی آپ کی مجبوریوںکو سمجھ سکیں اور آپ کی استطاعت سے بڑھ کر تقاضہ نہ کریں۔