کراچی(نیوز ڈیسک) سائیں سرکار کو تو ہوش نہ آیا لیکن کراچی کے شہری عالمگیر خان نے خود ہی گٹروں کے ڈھکن لگانے کا اعلان کردیا۔عالمگیر خان نے سندھ حکومت کو گٹروں کے ڈھکن لگانے کے حوالے سے دی جانے والی ڈیڈ لائن ختم ہونے پر خود ہی شہر میں کھلے مین ہولز کے ڈھکن لگانے کا اعلان کردیا۔ عالمگیر کا کہنا تھا آج سے شہر کے گٹروں پر ڈھکن لگانے کا کام خود سے شروع کروں گا اور دوپہر 3 بجے یونیورسٹی روڈ سے گٹروں پر ڈھکن رکھنے کا کام شروع کروں گا، گٹروں پر ڈھکن رکھنے کے کام میں سول سوسائٹی میرے ساتھ ہے۔واضح رہے کہ چند روز قبل کراچی کے ایک شہری نے کھلے گٹروں کے حوالے سے سوشل میڈیا پر ایک مہم شروع کی تھی جس کا وزیراعلیٰ سندھ نے نوٹس تو لیا تھا لیکن اس کے باوجود شہر میں گٹروں کے ڈھکن لگانے کا کام شروع نہ ہو سکا۔