اسلام آباد(نیوز ڈیسک) برطانوی نشریاتی ادارے کو دئیے گئے اپنے ایک انٹرویو میں وفاقی و زیر اطلاعات و نشریات سینیٹر پرویز رشید نے کہا ہے کہ دہشت گرد پاکستان اور بھارت کا مشترکہ دشمن ہے‘دونوں ملکوں کے درمیان امن مذاکرات ڈی ریل کرنے کی کوششیں ناکام بنادیں گے‘دونوں ممالک کی حکومتیں اپنے عزم پر قائم ہیں ‘بات چیت سے اپنے مسائل کو حل کریں گی۔انہوں نے کہا یہ بات طے ہے کہ دہشت گردوں کی منشا کو پورا نہیں ہونے دیا جا رہا اور دونوں ممالک کی حکومتیں اپنے عزم پر قائم ہیں کہ وہ بات چیت کے ذریعے اپنے مسائل کو حل کریں گی۔