اسلام آباد(مانیٹرنگ ڈیسک) امانت میں خیانت اور فراڈ کے مقدمے میںاداکارہ مشی خان پر فرد جرم عائد کردی گئی دوسری جانب ملزمہ نے صحت جرم سے انکار کردیا ہے۔نجی ٹی وی کے مطابق ایک نجی کلینک کی مالکن ڈاکٹر فرزانہ نے اداکارہ مشی خان کے خلاف مقدمہ درج کرایا تھا کہ اداکارہ نے 5 لاکھ روپے لے کر اشتہار میں کام کرنے سے انکار کردیا تھا جبکہ اداکارہ کی طرف سے رقم بھی نہیں لوٹائی گئی۔ عدالت نے فریقین کے دلائل سننے کے بعد اداکارہ مشی خان پر امانت میں خیانت اور فراڈ کے الزام میں فرد جرم عائد کردی ۔ مشی خان نے صحت جرم سے انکار کردیا۔عدالت نے مقدمے کی سماعت 15 مارچ تک ملتوی کردی۔