لاہور ۔۔۔۔۔وزیر اعلیٰ پنجاب شہباز شریف نے پنجاب میں پٹرول کی قلت کے بعد وفاقی وزیر شاہد خاقان عباسی سے رابطہ کیا ہے جس کے بعد وفاق نے پٹرول کی قلت کے دوران پنجاب میں سی این جی اسٹیشن کھولنے کا فیصلہ کیا ہے،اس حوالے سے سوئی سدرن نے احکامات جاری کردیئے ہیں احکامات کے اجراء4 کے بعد متعدد جگہوں پر سی این جی اسٹیشن کھلنا شروع ہو گئے ہیں۔ذرائع کے مطابق پنجاب میں سی این جی اسٹیشن دو دن کیلئے کھولے جائیں گے۔واضح رہے کہ سوئی نادرن گیس کمپنی نے پنجاب بھر میں اور پوٹھوہار ریجن میں سی این جی اسٹیشن کھولنے کی ہدایت کردی ہے اور پہلے مرحلے میں سی این جی کی فراہمی بحالی شروع ہوگئی ہے جس سے پٹرول کی قلت میں کچھ کمی ہوسکے گی۔