پشاور(نیوزڈیسک)پشاور کی احتساب عدالت نے مالی بدعنوانی میںمبینہ طور پر ملوث ڈیرہ اسماعیل خان کے تحصیل دار ملک عبدالرشید اور پٹواری ملازم حسین کے خلاف تفتیش مکمل ہونے پر 14 دن کی جوڈیشل ریمانڈ پر جیل منتقل کرنے کے احکامات جاری کردیئے ہیں ہفتہ کے روز مذکورہ ملزمان کو احتساب عدالت کی جج زرقیش ثانی کے سامنے پیش کیا گیا اس موقع پر نیب پراسکیوٹر نے عدالت کو بتایا کہ ملزمان کے خلاف تفتیش مکمل ہو چکی ہے جس پر عدالت نے سماعت کرتے ہوئے ملزمان کو 14دن کی جوڈیشل ریمانڈ پر جیل بھیجنے کے احکامات جاری کردیئے قومی احتساب بیورو خیبر پختونخوا کی جانب سے ملزمان پر الزام لگایا گیا ہے کہ انہوں نے اختیارات کا ناجائزاستعمال اور1976 کنال قیمتی اراضی نیوی خاندانوں کےلئے فلاحی تنظیم (این ایف آر او)کو2010میںسابق صوبائی وزیر مال سید مرید کاظم اور محکمہ مال کے دیگر افسران کی ملی بھگت سے غیر قانونی طو رپرسرکاری زمین کودوسرے علاقہ منتقل کردیا تھاجس میں خیبرپختونخوا محکمہ ریونیوکے آفیسرز اور اہلکاروں نے بھی غیرقانونی طریقے سے182کنال زمین اپنے نام منتقل کرکے حاصل کی ہے علاوہ ازیں ملزم ملک عبدالرشید تحصیلدار نے اپنے نام11کنال2مرلہ غیرقانونی اراضی جبکہ پٹواری ملازم حسین نے4کنال16مرلے غیرقانونی اراضی اپنے نام کی ہے۔