اسلام آباد(نیوزڈیسک)ایک اورملاقات کی تیاریاں،میزبان اہم ترین شخصیت،بھارتی میڈیا نے دعویٰ کیا ہے کہ لاہور کے بعد پاک بھارت وزرائے اعظم کی اگلی ملاقات واشنگٹن میں متوقع ہے کہ جہاں امریکی صدر نے وزیر اعظم نواز شریف اور بھارتی وزیر اعظم نریندر مودی کو نیوکلیئر سکیورٹی سمٹ میں شرکت کی دعوت دی ہے۔بھارتی میڈیا کے مطابق اس ملاقات کا کوئی باقاعدہ نوٹیفکیشن جاری نہیں کیا گیا، تاہم امریکی صدر کی دعوت پر دونوں رہنماو¿ں کی شرکت متوقع ہے، یہ پہلی دفعہ ہو گا جب پاک بھارت وزرائے اعظم نیوکلیئر سکیورٹی سمٹ کے اجلاس میں شرکت کریں گے۔ نیوکلیئر سکیورٹی سمٹ اگلے سال 31 مارچ کو واشنگٹن میں ہو رہا ہے۔