پیرس: فرانسیسی پولیس کمشنر نے شہریوں کی حفاظت میں ناکامی کے غم میں خود کو گولی مار کر اپنی زندگی کا خاتمہ کرلیا۔
غیر ملکی میڈیا کے مطابق 45 سالہ ہیلرک فریڈو نے وسطی فرانس کے شہر لیموجز میں واقع اپنے دفتر میں سرکاری پستول کے ذریعے خودکشی کرلی۔ خودکشی سے قبل اس نے دہشت گردی میں ہلاک ہونیوالے ایک شخص کے لواحقین سے ملاقات کی تھی۔اس کے قریبی ساتھیوں کے مطابق ہیلرک پیرس میں پیش آنے والے دہشت گردی کے واقعے کے بعد سے دلبرداشتہ تھا اور کام کی زیادتی اور ڈپریشن کا شکار تھا۔
واضح رہے کہ چند روز قبل فرانس کے دارالحکومت پیرس میں چارلی ہیبڈو نامی اخبار کے دفتر پر حملے میں ایک صحافی اور گستاخانہ خاکے بنانے والے کارٹونسٹ سمیت 12 افراد ہلاک ہو گئے تھے۔
