کراچی(نیوز ڈیسک) ڈاکٹر عاصم حسین کی والدہ کی ڈاکٹر عاصم کو رینجرز کی تحویل میں نہ دینے کی درخواست کی سندھ ہائیکورٹ میں سماعت۔ سماعت جسٹس احمد علی ایم شیخ کی سربراہی میں2 رکنی بنچ نے کی۔ درخواست میں ڈاکٹر عاصم کی والدہ نے موقف اپنایا کہ رینجرز کیس پر اثر انداز ہونیکی کوشش کررہی ہے ، انہیں کیس پر اثر انداز ہونے سے روکا جائے۔ ڈاکٹر عاصم کی والدہ کی درخواست پر سندھ ہائیکورٹ نے حکومت سندھ، وزارت داخلہ ،ڈی جی رینجرز سمیت دیگر فریقین کو 15 دسمبر کیلئے نوٹس جاری کردیا۔