لندن(این این آئی) ایران کے ساتھ جاری جنگ میں شدت کم ہونے یا ممکنہ خاتمے کی توقعات کے باعث عالمی منڈی میں خام تیل کی قیمتوں میں مزید کمی ریکارڈ کی گئی ہے۔

ایشیائی تجارت کے دوران برینٹ خام تیل اور امریکی خام تیل دونوں کی قیمتیں نیچے آگئیں، جبکہ قیمتیں گزشتہ دو ماہ کی کم ترین سطح پر پہنچ گئی ہیں۔رپورٹ کے مطابق برینٹ خام تیل کی قیمت میں 0.9 فیصد کمی ہوئی، جس کے بعد یہ 93.74 ڈالر فی بیرل پر آگیا۔ اسی طرح امریکی خام تیل کی قیمت تقریبا 1.5 فیصد گر کر 86.83 ڈالر فی بیرل ہوگئی۔