اسلام آباد(این این آئی)حکومت نے پٹرولیم مصنوعات کی قیمتوں میں کمی کردی۔
پٹرولیم ڈویژن کی جانب سے نوٹیفکیشن کے مطابق پٹرول کی قیمت میں 2روپے 71پیسے فی لٹر جبکہ ہائی سپیڈ ڈیزل کی قیمت میں 3پیسے فی لٹر کمی کی گئی۔قیمتوں میں کمی کے بعد پٹرول کی قیمت 392روپے 66پیسے جبکہ ہائی سپیڈ ڈیزل کی قیمت 396روپے 82پیسے فی لٹر ہوگئی۔اوگرا نے حکومتی پٹرولیم پرائسنگ میکنزم کے تحت (آج)14اکتوبر کیلئے پٹرولیم مصنوعات کی ایکس ڈپو قیمتوں میں ردوبدل کردیا۔
پٹرولیم ڈویژن کے مطابق اعلان کردہ قیمتیں عالمی مارکیٹ میں پٹرول اور ڈیزل کی قیمتوں سے منسلک ہیں۔اعلامیے کے مطابق عالمی مارکیٹ میں تبدیلیوں، پلاٹس ریٹس، پریمیم اور دیگر اخراجات کے مطابق پٹرولیم مصنوعات کی قیمتوں میں ردوبدل کیا گیا۔
