نیویارک(نیوزڈیسک) اقوام متحدہ میں پاکستان کی مستقل مندوب ڈاکٹر ملیحہ لودھی نے کہاہے کہ شام ¾عراق ¾افغانستان اور دیگر ممالک کے مسائل کا سیاسی حل نکالا جائے۔اقوام متحدہ میں پاکستانی مندوب ڈاکٹرملیحہ لودھی نے اقوام متحدہ کی جنرل اسمبلی کے اجلاس میں اظہارخیال کرتے ہوئے شام ¾عراق ¾ افغانستان اوردوسرے ممالک میں تنازعات کی روک تھام کیلئے سیاسی حل کی ضرورت پر زور دیا۔ انہوں نے کہا کہ غیرملکی مداخلت سے حالات خراب ہوتے ہیں اور تشدد سے بنیادی ڈھانچے کو نقصان پہنچتا ہے جس سے ملکی نظام متاثر ہوتا ہے اور لوگ نقل مکانی کرنے پر مجبور ہوجاتے ہیں۔ شام، عراق، افغانستان اور دوسرے ممالک میں تنازعات کی روک تھام کے لئے سیاسی حل کی ضرورت ہے۔ملیحہ لودھی نے کہا کہ بعض ممالک نے مسلمان پناہ گزینوں کوقبول کرنے سے صاف انکار کردیا ہے۔ جو قانونی،سیاسی اور اخلاقی طور پر غلط ہے ¾ بحیرہ روم کے ساحل پر پیدا ہونے والے پناہ گزینوں کے بڑے بحران سے نمٹنے کے لئے انسانی حقوق کے اصولوں پر مبنی واضح حقیقی اور اجتماعی سوچ اپنانا ہوگی۔ پاکستان اب بھی 30 لاکھ سے زائد افغان پناہ گزینوں کی کفالت کررہا ہے۔ اس لئے یورپی ممالک کو بھی پناہ گزینوں کے ساتھ انسانی سلوک کیا جانا چاہیے.