کیا آپ کو ورزش کا عزم کرنا دنیا کا مشکل ترین کام لگتا ہے؟ مگر آپ کو اس کے بدلے کسی جانب سے معاوضہ دیا جائے تو پھر؟جی ہاں یہی وہ خیال ہے جو بٹ واکنگ کے پیچھے موجود ہیں۔بی بی سی کی ایک رپورٹ کے مطابق ڈیجیٹل کرنسی اور مارکیٹ پلیس کی ایک اپلیکشن جو آپ کو دس ہزار قدم چلنے پر 1 بٹ واکنگ ڈالر ادا کرے گی۔اس ایپ کو تیار کرنے والی کمپنی کے خیال میں اس کی مدد سے لوگوں کو کھڑے ہوکر آگے بڑھنے پررضامند کیا جاسکے گا۔ کمپنی کے بانیوں کو توقع ہے کہ اس عادت کی مدد سے ترقی پذیر ممالک کے شہریوں کو ایک اور ذرائع آمدن حاصل ہوجائے گا۔کمپنی نے اس حوالے سے ملاوی نامی ملک میں بٹ واکنگ ہب قائم کیے ہیں تاکہ صارفین کو اس ڈیجیٹل کرنسی کی تجارت اور خرچ کرنے کاطریقہ سیکھایا جاسکے جو وہ بٹ واکنگ کی مدد سے کمائے گے۔بظاہرتو یہ ایک اچھا خیال نظر آتا ہے مگر اس ایپ کے ذریعے ہونے والی ادائیگیاں کہیں اور سے ہوتی ہیں۔کمپنی چہل قدمی کے بدلے معاوضہ دینے کے لیے شراکت داروں کی تلاش میں ہے اورامکان ہے کہ اپنے صارفین کا ڈیٹا اشتہاری یا اسپورٹس برانڈز کے حوالے کرکے معاوضہ دینے کے لیے پیسے حاصل کرے گی۔تاہم اس ایپ کے ذریعے اضافی آمدنی کو حاصل کرنے کی کوشش سے پہلے جان لیں فی الحال بٹ واکنگ میں شمولیت کسی کے انوائیٹ کرنے پر ہی ممکن ہے۔