اسلام آباد(نیوز ڈیسک)پاکستان کے غیرملکی زرمبادلہ کے ذخائر 6نومبر کو اختتام پذیر ہونے والے معاشی ہفتے کے اختتام پر 19,746.3ملین امریکی ڈالرکی سطح پر پہنچ گئے۔اسٹیٹ بینک کی جانب سے جاری کردہ ہفتہ وار معاشی اعداد و شمار کے مطابق پاکستان کے زرمبادلہ کے ذخائر کچھ اس طرح ہیں۔مرکزی بینک کے پاس موجود ذخائر کی مالیت 14,704.2ملین امریکی ڈالر ہے جبکہ دیگر بنکوں کے پاس موجود ذخائر 5,042.1ملین امریکی ڈالرہے۔اسٹیٹ بینک کی جانب سے جاری کردہ معاشی اعداد وشمار کے مطابق پاکستان کے غیرملکی زرمبادلہ کے ذخائر میں 6نومبر 2015جو اختتام پذیر ہونے والے معاشی ہفتے کے اختتام پر مذکورہ ذخائر میں 117 ملین ڈالر کی کمی ہوئی ہے۔رواں ہفتے مرکزی بینک نے بیرونی ادائیگیوں کی مد میں 108 ملین امریکی ڈالر ادا کئے۔