کراچی (آن لائن) پاکستان کی اولین اور سب سے بڑی برانچ لیس بینکاری سروس،ٹیلی نار پاکستان اور تعمیر مائکروفنانس بینک کے جوائنٹ وینچر ،”ایزی پیسہ “ اور Bookme.pk کے درمیان فلم اور بس کے ٹکٹ کی آن لائن خریداری کے سلسلے میں صارفین کو سہولتوں کی فراہمی کا معاہدہ طے پاگیا ہے۔ معاہدے کے تحت صارفین Bookme.pkکے ذریعے آن لائن بک کرائے گئے فلم اور بس کے ٹکٹ کی ادائیگی ملک کے 800شہروں میں پھیلے ہوئے ایزی پیسہ کے 70ہزار ریٹیلرز یا اپنے ایزی پیسہ موبائل اکاﺅنٹس کے ذریعے کرسکیں گے۔ زیرنظر تصویر میں معاہدے کی تقریب کے دوران ایزی پیسہ کے ہیڈ آف اسٹریٹیجی اینڈ پے منٹس عمر معین ملک اور Bookme.pkکے سی ای او فیضان اسلم اپنی ٹیم کے ہمرہ موجود ہیں۔