دبئی(نیوز ڈیسک) یوں تو مارکیٹس مہنگی سے مہنگی فیس کریم ودیگر میک اپ کی مصنوعات سے بھری پڑی ہیں مگر اب ایک آسٹریلوی کمپنی نے دنیا کی مہنگی ترین فیس کریم متعارف کروا دی ہے جس کی قیمت سن آپ کے ہوش اڑ جائیں گے۔رواں ہفتے دبئی میں مڈل ایسٹ نیچرل اینڈ آرگینک پراڈکٹس ایکسپو میں متعارف کروائی گئی اس کریم کی قیمت 1500ڈالرز (تقریباً1لاکھ 58ہزار روپے)ہے۔ اس میں 24قیراط سونا استعمال کیا گیا ہے اور اسے بیک وقت دنیا کی سب سے بہترین اور مہنگی ترین فیس کریم کہا جا رہا ہے۔فیس کریم بنانے والی کمپنی کے چیف ایگزیکٹو آفیسر رون ویلیمز کا کہنا ہے کہ یہ کریم جب خواتین اپنے چہرے پر لگائیں گی تو اس کا 60فیصد حصہ ان کے جسم میں جذب ہو کر ان کے خون میں شامل ہو جائے گا۔سونے کے علاوہ اس میں گلاب کا عرق و دیگر جڑی بوٹیاں استعمال کی گئی ہیں۔اس میں مہنگا ترین تیل جرینئم آئل بھی شامل ہے جس کی قیمت 14ہزار ڈالرز(تقریباً15لاکھ روپے) فی کلوگرام ہے۔اس ایکسپو میں اور بھی کئی منفرد چیزیں متعارف کروائی گئی جن میں بلغاریہ کے گلاب کا تیل بھی تھا جو پہلی بار دبئی میں متعارف کروایا گیا۔ اصل بلغارین گلاب کا تیل بھی بہت مہنگا ہوتا ہے اور 10ہزار ڈالرز(تقریباًساڑھے 10لاکھ روپے) فی کلو گرام تک فروخت ہوتا ہے۔