دبئی (نیوزڈیسک)پاکستان اور انٹرنیشنل مانیٹری فنڈ (آئی ایم ایف )کے درمیان دبئی میں مذاکرات نتیجہ خیز ثابت نہ ہو سکے،آئی ایم ایف پاکستان کی جانب سے ٹیکس وصولیوں سے مطمئن نہیں ہو سکا۔ میڈیا رپورٹ کے مطابق دبئی میں ہو نے والے مذاکرات میں دو روز کی توسیع کر دی گئی ہے ۔وزارت خزانہ ذرائع کا کہنا ہے کہ آئی ایم ایف نے پاکستان کے زر مبادلہ کے ذخائر 9.3ڈالر تک لے جانے کی شرط عائد کردی ہے۔حکومت کے غیر ملکی زر مبادلہ کے ذخائر 15ارب ڈالر سے زیادہ ہیں جبکہ زر مبادلہ کے ذخائر میں 6ارب ڈالر کے قرضہ جات ہیں۔آئی ایم ایف ٹیکس وصولیوں سے بھی مطمئن نہیں ،پہلی سہ ماہی میں ٹیکس وصولیاں سے چالیس ارب روپے کم ہوئیں۔وزیر خزانہ اسحاق ڈار کا کہنا ہے کہ آئی ایم ایف سے مذاکرات کا حتمی دور 6نومبر کو ہو گا۔