کراچی(نیوزڈیسک)پاکستان کے ڈپٹی نیول چیف آپریشنر ریئرایڈمرل کلیم شوکت نے کہا ہے کہ پاکستان کے دوہی بڑے دشمن ہیں، ایک بھارت دوسری دہشت گردی۔ اپنی صلاحیت اور ہیبت سے دنیا پر دھاک بٹھانے والی پاک بحریہ طاقت کا مظاہرہ کرنے والی ہے، جس کیلئے کراچی کی سمندری حدود میں سی اسپارک 2015 مشقوں کا آغاز ہوگیا ہے، سمندروں کے رکھوالے پاک بحریہ کے اعلی حکام کا کہنا ہے کہ وہ دنیا کی کسی بھی طاقت کا مقابلہ کرسکتے ہیں۔تین سال بعد شمالی بحیرہ عرب میں میں سی اسپارک نامی بحریہ کی مشقوں کا آغاز ہوگیا ہے۔ پاک بحریہ حکام کے مطابق مشقوں کا مقصد ملکی سمندری حدود کا تحفظ کرنا ہے۔ ڈپٹی نیول چیف آپریشنز رئیرایڈمرل کلیم شوکت نے اپنے خطاب میں کہا کہ پاک بحریہ کی سب بڑی جنگی مشقوں میں تینوں افواج شریک ہوں گی۔مشقوںکا مقصد پاک چین راہداری پر درپیش تمام مشکلات سے نمٹنے کی صلاحیتوں کو بھی بڑھانا ہے،روس سے تعلقات بہتر ہورہے ہیں ۔ڈپٹی نیول چیف آپریشنر نے کہا پاک بحریہ ملکی دفاع کی مکمل اہلیت رکھتی ہے،مشق کا مقصد حربی صلاحیتوں کو جانچنا اور پاک چین راہداری پر درپیش تمام مشکلات سے نمٹنے کی صلاحیتوں کو بڑھاناہے۔ان کا خطاب کے موقع پر یہ کہنا تھا کہ پاکستان کے دو بڑے حریف ہیں ایک بھارت دوسرادہشتگردی ،بھارت علاقے میں اجارہ داری چاہتا ہےتاہم پاکستان نیوی ملک کا دفاع کا مکمل اہلیت رکھتی ہے۔اپنے وسائل میں رہتے ہوئے حکومت سے ضروریات طلب کی جارہی ہیں۔نیشنل ایکشن پلان میں پاک نیوی شامل ہے،سی اسپارک مشق کےدوران زمینی یونٹس میںجنگی صلاحیتوں اورپاک بحریہ کے دیگر افواج کے ساتھ باہمی رابطے کا عملی مظاہرہ کیا جائے گا۔