پشاور(نیوزڈیسک)چیئرمین پاکستان تحریک انصاف عمران خان نے صحافی کے سوال پر آگ بگولہ ہوگئے ور سوال کرنےوالے صحافی کو ڈانٹ پلا دی ۔منگل کو پشاور میں نیوزکانفرنس کے دوران عمران خان سے صحافی مختلف سوال کر رہے تھے کہ اسی دوران ایک صحافی نے سوال پوچھا تھا کہ مردم شناس ہونے کے باوجود کیوں لوگ آپکو دھوکہ دے دیتے ہیںجس پر عمران خان نے کہاکہ ہر معاشرے میں تہذیب ہوتی ہے میں یہاں پر ہسپتالوں سے متعلق بات کرنے آیا ہوں کسی کی ذاتی زندگی پر نہیں اس لئے ااپ ذاتی سوال نہ کریں۔انہوں نے کہا کہ کسی کے گھر میں جھانکنے والوں کو شرم آنی چاہئے آپ نے اپنی اصلیت بتا دیااس کے بعد انہوں نے غصے کا اظہار کرتے ہوئے پریس کانفرنس ختم کردی ۔