دبئی (این این آئی)انٹرنیشنل کرکٹ کونسل (آئی سی سی)نے مینز پلیئرز کی رینکنگ جاری کر دی۔
ٹیسٹ بیٹرز رینکنگ میں آسٹریلیا کے ٹریوس ہیڈ کی پہلی پوزیشن برقرار ہے،پاکستان کے بابر اعظم 5 درجے ترقی کے بعد ٹاپ 10 میں شامل ہوگئے اور 10ویں نمبر پر موجود ہیں، بابر اعظم تقریبا 2 سال کے بعد ٹاپ ٹین بیٹرز میں شامل ہوئے ہیں۔سعود شکیل 2 درجے تنزلی کے بعد 26ویں اور محمد رضوان ایک درجے تنزلی کے بعد 27ویں نمبر پر آگئے۔عبداللہ شفیق نے 25 درجے ترقی کے بعد لمبی چھلانگ لگاتے ہوئے 32ویں پوزیشن حاصل کر لی، جبکہ شان مسعود 3 درجے تنزلی کے بعد 39ویں نمبر پر آگئے۔ٹیسٹ بولرز کی رینکنگ میں بھارت کے جسپریت بمرا کی پہلی پوزیشن برقرار ہے،
پاکستان کے ساجد خان 5 درجے ترقی کے بعد 30ویں نمبر پر براجمان ہوگئے۔ٹیسٹ آل رائونڈرز کی رینکنگ میں بھارت کے رویندرا جڈیجا کی پہلی پوزیشن برقرار ہے۔آئی سی سی ون ڈے بیٹرز کی رینکنگ میں بھارت کے شبمن گل کی پہلی پوزیشن برقرار ہے، نیوزی لینڈ کے ڈیرل مچل دوسری اور بھارت کے ویرات کوہلی تیسری پوزیشن پر برقرار ہیں۔انگلینڈ کے جو روٹ ایک درجے بہتری کے بعد ساتویں نمبر پر آگئے، افغانستان کے رحمن اللہ گرباز 3 درجے بہتری کے بعد 11ویں نمبر پر پہنچ گئے، افغانستان کے حشمت اللہ شاہدی 4 درجے بہتری کے بعد 50 ویں نمبر پر آگئے۔ون ڈے بولرز کی رینکنگ میں افغانستان کے راشد خان کی پہلی پوزیشن برقرار ہے، پاکستان کے ابرار احمد دوسری اور انگلینڈ کے جوفرا آرچر تیسری پوزیشن پر برقرار ہیں۔ون ڈے آل رانڈرز کی رینکنگ میں افغانستان کے عظمت اللہ عمرزئی کی پہلی پوزیشن برقرار ہے۔
