اسلام آباد (نیوز ڈیسک)قومی کرکٹر عماد وسیم کی سابقہ اہلیہ اور معروف ڈیجیٹل کانٹینٹ کریئیٹر ثانیہ اشفاق کی ایک نئی ویڈیو سوشل میڈیا پر توجہ کا مرکز بن گئی ہے، جس کے بعد ان کی ذاتی زندگی سے متعلق مختلف قیاس آرائیاں شروع ہو گئی ہیں۔
ثانیہ اشفاق نے اپنے انسٹاگرام اکاؤنٹ پر ایک مختصر ویڈیو شیئر کی، جس میں وہ سرخ رنگ کے روایتی عروسی لباس اور کندن کے زیورات میں ملبوس دکھائی دیتی ہیں۔ ویڈیو میں وہ ایک شخص سے پوچھتی ہیں، “میں کیسی لگ رہی ہوں؟” جس پر جواب آتا ہے، “میری دلہن جیسی۔”
ویڈیو کے ساتھ ثانیہ نے کیپشن میں لکھا، “الحمدللہ، زندگی کے ایک نئے باب کا آغاز۔” اس پیغام کے بعد سوشل میڈیا صارفین نے مختلف انداز میں تبصرے کیے اور انہیں مبارکباد کے پیغامات بھی ارسال کیے۔
بعض صارفین کا خیال ہے کہ یہ ویڈیو ممکنہ طور پر ان کی نئی شادی کی طرف اشارہ ہو سکتی ہے، جبکہ دیگر کے مطابق یہ کسی نئے فوٹو شوٹ، اشتہاری مہم یا پروفیشنل پراجیکٹ کا حصہ بھی ہو سکتی ہے۔
تاہم اب تک نہ تو ثانیہ اشفاق اور نہ ہی عماد وسیم کی جانب سے اس ویڈیو یا اس سے متعلق گردش کرنے والی خبروں پر کوئی باضابطہ وضاحت سامنے آئی ہے، اس لیے نئی شادی سے متعلق دعووں کی آزادانہ طور پر تصدیق نہیں ہو سکی۔
یاد رہے کہ ثانیہ اشفاق گزشتہ کچھ عرصے سے اپنی نجی زندگی سے متعلق سوشل میڈیا پر کھل کر اظہارِ خیال کرتی رہی ہیں اور ماضی میں انہوں نے عماد وسیم کے ساتھ ازدواجی زندگی اور طلاق سے متعلق بھی مختلف بیانات دیے تھے۔
View this post on Instagram
